Рубрика: Պահոց, Պրպտան TV

Ընտանեկան դպրոց

Այսօրվա իմ հյուրը ընտանեկան դպրոցի ղեկավար Նելի Արղությանն է, ով ներկայացրեց Արղությանների ընտանեկան դպրոցը։ Մասնագիտությամբ  մանկաբարձ-գինեկոլոգ է և մանկավարժ։

Իմ դասընկերներին մաղթում եմ հաջողություններով նոր ուստարի, նորանոր ծրագրերի և հաղորդումների ստեղծում։ Եղե’ք, ստեղծական և պրպտան։

Դասավանդողներին ցանկանում եմ նոր ուսումնական գործիքների հայտնաբերում, բացահայտում, յուրացում ՏՀՏ ոլորտում, որը էլ ավելի կհեշտացնի և հետաքրքիր կդարձնի բոլորիս ուսուցումը։ Ինչու բոլորիս, քանի որ մենք միշտ սովորող -սովորեցնող ենք առանց տարիքային սահմանափակումների։

Рубрика: Մայրենի, Պահոց

Հե˜յ, ուր ես, Դավիթ

Ոջու˜յն, ձեզ հետ է Պրպտան TV-ի լրագրողուհի Նարե Արղությանը: Այսօր իմ հյուրը Մեծ Մհերի և Արմաղանի որդի` Սասունցի Դավիթն է, որի ծնվելուց հետո մահացան նրա հայրն ու մայրը, և Դավիթը որբ մեծացավ: Եթերը կվարեմ ես ՀԱԹ-ից, իսկ Դավիթը կապ կհաստատի ինձ հետ Մարութա սարից:

— Հե˜յ, ուր ես, Դավի’թ, քեզ ողջյունում է Պրպտան TV-ն, դու եթերում ես:
-Ողջու˜յն, ողջու˜յն, Մարութասարից Պրպտան TV-ին:
-Դավի’թ, խնդրում եմ պատմես` դժվար էր արդյոք առանց ծնողների մեծանալը:
-Նարե’, այնքան արագ եմ մեծացել, մեծանում էի ժամ առ ժամ, որ չեմ էլ զգացել միայնություն, քանի որ երկնքից ինձ հետ էին իմ ծնողները, ես միշտ զգում էի նրանց ուժը: -Իսկ հորեղբայրս, հիշու՞մ ես նրան` Ձենով Օհանին, նա ճիշտ է այդքան էլ քաջ չէր, բայց միշտ իմ կողքին է եղել, իմ հորեղբոր ուժը ձայնն էր և նա փրկեց ինձ:
— Դավի’թ, ինչո՞ւ անվանեցիր որդուդ Փոքր Մհեր:
-Քանի որ նա նույնպես քաջ էր և հզոր, ինչպես իմ հայրը. պիտի կրեր իմ հոր անունը, որ երկիրը հզոր պահեր:
-Իսկ որտե՞ղ է հիմա Քուռկիկ ջալալին` այն ձին, որը միշտ հաղթանակ է պարգևել քեզ:
-Նարե’, իմ ձին ինձ հետ է միշտ, և ես հզոր եմ նրանով:
-Իսկ չե՞ս մեղադրում քեզ, որ անիծեցիր որդուդ, որ ժառանգ չունենա:
-Նարե’, որդին հոր վրա ձեռք պիտի չբարձրացնի, դա հավասար է նրան, որ նա պատերազմում է իր ազգի դեմ և երբ մարդիկ խելամիտ կլինեն կսկսեն պահպանել և պաշտել իրենց ազգը, այդ ժամանկ էլ նա որդի կունենա, բայց քանի դեռ մարդիկ թշնամացած են միմիանց հետ ժամանակը դեռ չի եկել:
-Դավի’թ, մեր երկիրը քեզ նման հզոր մարդկանց կարիքը ունի, մի գուցե՞ մի օր իջնես Մարութասարից և ամեն բան կարգավորվի:
-Ես ձեզ հետ եմ, բայց կիջնեմ այն ժամանակ, երբ բոլորը սիրել սովորեն:
-Լավ, Դավի’թ, ի՞նչ խորհուրդ կտաս բոլորիս, երևի տեղյակ ես, որ բոլոր երկրներում, արտակարգ իրավիճակ է, և  իշխում է Թագավարակը:
-Խորհուրդ կտամ պատվով անցնեք այդ ճանապարհը և միշտ ամենուր սեր տարածեք, քանի որ սիրո դեմ անզոր է ամեն բան: -Երբ ամեն բան խաղաղվի ինձ ձեն կտաք, «Հե˜յ, ուր ես, Դավիթ», այն ժամ ես կգամ, և մեր ազգերը կլինեն հզոր և շատ խելամիտ: Ես էլ եմ ունեցել շատ սխալներ և հիմա խորհում եմ և փորձում եմ շտկել սխալներս: 

-Շնորհակալ եմ Դավիթ և փոխանցիր մեզ քո քաջությունը և հզորությունը, և սիրով կսպասենք քո վերադարձին:

Այսօր մեր հյուրն էր Դավիթը: Դավիթը կգա Մարութասարից այն ժամանակ, երբ կկանչենք «Հե˜յ, ուր ես, Դավիթ », և նա կլինի մեր կողքին: